ప్లానింగ్ అనేది ప్రతి వ్యక్తికి చాలా అవసరం. లేకుంటే జరిగే నష్టమేంటో ఐటీ కట్టే ఉద్యోగిని అడగండి. ఐటీ చెల్లించే సమయానికి వారు పడే కంగారు చూస్తేనే అర్థమవుతుంది. అందుకే సరిగ్గా ప్లాన్ చేసుకొని లక్షల్లో జీతం వచ్చినా సరే ఆదాయపు పన్ను ఒత్తిడి లేకుండా ఉండొచ్చు. ఐటీ రూల్స్ ప్రకారం, పన్ను మినహాయింపులను సరిగ్గా ఉపయోగించినట్లయితే పన్ను ఆదా అవుతుంది. పన్ను పరిధిలోకి రాకుండా ఉండేలా జీతాన్ని మేనేజ్ చేసుకోవాలి.

జీరో ట్యాక్స్ కోసం ఏమి చేయాలి?
జీతం ఎంతైనా ఎలాంటి పన్ను పరిధిలోకి రాకుండా ఉండాలంటే పెట్టుబడి, పొదుపు బ్యాలెన్స్‌ చేసుకోవాలి. మీ జీతం రూ. 12 లక్షలు అయితే రీయింబర్స్‌మెంట్, పెట్టుబడి సాధనాలను పూర్తిగా వినియోగించుకుంటే పైస పన్ను కూడా చెల్లించాల్సిన పని లేదు.

కచ్చితంగా శాలరీ మేనేజ్‌మెంట్‌ను మార్చండి
శాలరీ మేనేజ్‌మెంట్‌ మార్చుకునే అవకాశం మీ చేతుల్లోనే ఉంది. మీరు దీన్ని కంపెనీ HR నుంచి కూడా అప్లై చేసుకోవచ్చు. రీయింబర్స్‌మెంట్‌పై పరిమితి ఉన్నప్పటికీ అందులో చాలా మనకు ఉపయోగపడే టూల్స్ ఉన్నాయి. రీయింబర్స్‌మెంట్‌లో రవాణా, LTA, వినోదం, బ్రాడ్‌బ్యాండ్ బిల్లు, పెట్రోల్ బిల్లులు, ఫుడ్‌ కూపన్‌లను కూడా ఉపయోగించవచ్చు. వీటన్నింటి సహాయంతో పన్ను ఆదా చేసుకోవచ్చు. పన్ను ఆదా చేయడానికి HRA కూడా ఒక ఆప్షన్‌గా ఉంది.

HRAని సద్వినియోగం చేసుకోవడం ఎలా?
HRA క్లెయిమ్ చేయడానికి మూడు మార్గాలు ఉన్నాయి. ఈ మూడింటిలో అత్యల్పంగా పన్ను మినహాయింపు లభిస్తుంది. శాలరీ మేనేజ్‌మెంట్‌లో కంపెనీ ఇచ్చే HRA మెట్రో, నాన్-మెట్రో నగరాల ప్రకారం ఉంటుంది. మెట్రో నగరాల్లో బేసిక్‌ శాలరీలో 50%, నాన్-మెట్రో నగరాల్లో బేసిక్‌ శాలరీలో 40% వరకు HRA క్లెయిమ్ చేయడానికి సడలింపు ఉంది. మొత్తం అద్దె నుంచి బేసిక్ జీతంలో 10 శాతాన్ని తీసివేసిన తర్వాత మిగిలిన మొత్తాన్ని HRAగా క్లెయిమ్ చేయవచ్చు.

HRA ఎలా నిర్ణయిస్తారు?
మెట్రో సిటీలో అద్దె రూ.20,000. అంటే మీ మొత్తం నెల జీతంలో 20 శాతం. బేసిక్‌ శాలరీ CTCలో 50 శాతం ఉంటుంది. అలాంటప్పుడు మీ బేసిక్ జీతం రూ.6 లక్షలు. మీరు కంపెనీ నుంచి మీ బేసిక్ జీతంలో దాదాపు 40% HRA పొందినట్లయితే, మీరు సంవత్సరానికి దాదాపు రూ. 2.40 లక్షల HRA పొందుతారు. కానీ, మీరు మెట్రో నగరంలో నివసిస్తున్నందున, మీరు 50% వరకు అంటే రూ. 3 లక్షల వరకు HRA తీసుకోవచ్చు. 20 వేల చొప్పున వార్షిక అద్దె రూ.2.40 లక్షలు. దీని నుంచి మీ బేసిక్ జీతంలో 10% అంటే రూ.60,000 తీసివేసిన తర్వాత, మొత్తం HRA రూ. 1.80 లక్షలు. ఇప్పుడు పైన ఇచ్చిన మూడు విధానాల్లో రూ.1.80 లక్షలు అత్యల్పం. దీంతో మీరు సంవత్సరానికి రూ. 1.80 లక్షలను క్లెయిమ్ చేసుకోవచ్చు.

LTA- లీవ్ ట్రావెల్ అలవెన్స్ ప్రయోజనం
LTA ప్రయోజనం 4 సంవత్సరాల్లో రెండుసార్లు పొందవచ్చు. ఇందులో ప్రయాణ ప్లాన్ ఛార్జీలు ఉంటాయి. ఇది మీ బేసిక్‌ శాలరీలో 10%. రూ. 6 లక్షల ప్రాథమిక వేతనంపై రూ. 60,000 ఎల్‌టిఎ పొందుతారు. మీరు వార్షిక సగటును పరిశీలిస్తే రూ. 30,000పై పన్ను మినహాయింపు పొందవచ్చు.

రీయింబర్స్‌మెంట్ ప్రయోజనం ఎలా పొందాలి?
1. ట్రావెల్ అలవెన్స్: 12 లక్షల జీతం బ్రాకెట్‌లో ఉన్న వ్యక్తులు సాధారణంగా 1-1.50 లక్షల రూపాయల రీయింబర్స్‌మెంట్ పొందుతారు. అంటే 1.50 లక్షల రూపాయల ట్రావెలింగ్ అలవెన్స్‌కు పూర్తిగా పన్ను ఉండదు.

2. బ్రాడ్‌బ్యాండ్ బిల్లు: బ్రాడ్‌బ్యాండ్ బిల్లులపై కూడా పన్ను మినహాయింపు లభిస్తుంది. దాన్ని రీయింబర్స్‌మెంట్‌లో చేర్చవచ్చు. దీని కోసం, మీరు ప్రతి నెలా 700-1000 రూపాయల అలవెన్స్‌ పొందుతారు. దీని కింద, మీకు ప్రతి నెలా 1000 రూపాయలు లభిస్తాయని అనుకుందాం, అంటే 12000 రూపాయలు వార్షికంగా పన్ను చెల్లించని జీతం అవుతుంది.

3. ఎంటర్‌టైన్‌మెంట్ అలవెన్స్‌: ఈ విభాగంలో ఫుడ్ అండ్ డ్రిక్స్ బిల్లును చూపడం ద్వారా క్లెయిమ్ చేయవచ్చు. 12 లక్షల వరకు జీతం ఉన్న వ్యక్తులు ప్రతి నెలా 2000 రూపాయలు పొందుతారు. అంటే 24 వేల రూపాయల వరకు పన్ను ఉండదు.

4. యూనిఫాం, బుక్స్ లేదా పెట్రోల్ బిల్లులు: యూనిఫాం, పెట్రోల్ లేదా బుక్స్ బిల్లుల పేరుతో వివిధ కంపెనీలు రీయింబర్స్‌మెంట్ ఇస్తాయి. మీరు ఈ విభాగంలో కూడా రూ.1000-2000 వరకు తీసుకోవచ్చు. రీయింబర్స్‌మెంట్‌గా ప్రతి నెలా రూ.1000 తీసుకోవడం ద్వారా నాన్ ట్యాక్స్‌బుల్ కేటగిరీలో ఏడాదికి రూ.12,000 వస్తాయి.

ఆదాయపు పన్ను చట్టంలో అందుబాటులో ఉన్న  తగ్గింపులు 

1- బేసిక్ ఇన్‌కమ్‌ మినహాయింపు: ఆదాయపు పన్ను నిబంధనల్లో రూ. 2.5 లక్షల వరకు జీతం పన్ను పరిధిలోకి రాదు. అంటే మీ మొత్తం జీతం నుంచి రూ. 2.5 లక్షల వరకు ఎలాంటి పన్ను ఉండదు. కానీ, ఇది చివరిలో లెక్కిస్తారు.

2. స్టాండర్డ్ డిడక్షన్: ముందుగా, మీరు రూ. 50,000 స్టాండర్డ్ డిడక్షన్ పొందుతారు. అంటే మీ జీతం ఎంతైనా దాని నుంచి రూ.50,000 తగ్గించుకోండి.

3- సెక్షన్ 80C: ఇందులో, మీరు రూ. 1.50 లక్షల వరకు పెట్టుబడిపై పన్ను మినహాయింపు పొందవచ్చు. ఇది EPF, PPF, సుకన్య సమృద్ధి యోజన, NPS, పిల్లల ట్యూషన్ ఫీజు, LIC, హోమ్‌లోన్ ప్రిన్సిపల్ వంటి సాధనాలను కలిగి ఉంటుంది. దాని పూర్తి పరిమితిని ఉపయోగించడం ద్వారా, మీరు రూ. 1.50 లక్షల మినహాయింపును క్లెయిమ్ చేయవచ్చు.

4- సెక్షన్ 80CCD(1B): ఇందులో, మీరు NPSలో అదనంగా రూ. 50,000 పెట్టుబడి పెట్టడం వల్ల ప్రయోజనం పొందుతారు.

5- సెక్షన్ 80D: ఆరోగ్య బీమా తీసుకోవడం ద్వారా రూ. 25,000 వరకు పన్ను ఆదా చేసుకోవచ్చు. తల్లిదండ్రుల ఆరోగ్య బీమాపై రూ. 25,000 వరకు పన్ను మినహాయింపు తీసుకోవచ్చు. ఇందులో మొత్తం మినహాయింపు రూ.50,000 వరకు ఉంటుంది. తల్లిదండ్రులు 65 సంవత్సరాల కంటే ఎక్కువ వయస్సు ఉన్నట్లయితే, సీనియర్ సిటిజన్ మినహాయింపు రూ. 50,000 అవుతుంది. అటువంటి పరిస్థితిలో, మీరు రూ. 75,000 వరకు పన్ను ఆదా చేయవచ్చు. ప్రస్తుతం, 80డిలో, మీరు మొత్తం రూ. 50,000పై పన్ను ఆదా చేయగలుగుతారు.

టాక్స్‌బుల్‌ అండ్‌ నాన్-టాక్సబుల్ పూర్తి వివరాలు

HRAలో రూ.1.80 లక్షల వరకు పన్ను మినహాయింపు లభిస్తుంది.

రీయింబర్స్‌మెంట్‌లో అన్ని రీయింబర్స్‌మెంట్‌లను యాడ్ చేస్తే మొత్తం రూ. 1.98 లక్షల రీయింబర్స్‌మెంట్ అందుబాటులో ఉంటుంది.

మూడోది మొత్తం రూ. 3 లక్షల మినహాయింపు లభిస్తుంది.

నాల్గోది లీవ్ ట్రావెల్ అలవెన్స్ (LTA) – రూ. 30 వేల పన్ను మినహాయింపు లభిస్తుంది. మీ మొత్తం జీతం నుంచి రూ. 7.08 లక్షలపై పన్ను ఉండదు.

12 లక్షల జీతంపై ఆదాయపు పన్ను 0  
మొత్తం వార్షిక వేతనం రూ.12 లక్షల్లో రూ.7.08 లక్షల వరకు పన్ను ఉంది. ఇప్పుడు మిగిలి ఉన్న పన్ను చెల్లించాల్సిన జీతం రూ.4.92 లక్షలు. ఇప్పుడు ఆదాయపు పన్నుకు సంబంధించిన మరో రూల్ రానుంది. పన్ను చెల్లించదగిన జీతం రూ. 5 లక్షల కంటే తక్కువ ఉంటే, సెక్షన్ 87A కింద రాయితీ లభిస్తుంది. రూ.2.5 లక్షల నుంచి రూ. 5 లక్షల మధ్య జీతంపై 5% పన్ను ఉంటుంది. అయితే మొత్తం పన్ను పరిధిలోకి వచ్చే జీతం రూ. 5 లక్షల కంటే తక్కువగా ఉంటే రూ. 2.5 లక్షలపై రూ.12,500 రాయితీ ఇస్తారు. దీని తర్వాత మిగిలిన రూ.2.50 లక్షలు బెసిక్‌ ఎగ్జంప్సన్‌ పరిధిలోనే ఉంటుంది. ఈ విధంగా, మీ మొత్తం జీతం పన్ను పరిధిలోకి రాకుండా ఉంటుంది.