జిమ్‌కు వెళ్లకుండా, కష్టమైన వ్యాయామం చేయకుండా, మందులు లేకుండా ఆరోగ్యాన్ని హెల్తీగా ఉంచుకోవాలనుకుంటే ఇదే సరైన అవకాశం. సైక్లింగ్ కంటే మెరుగైన ఎంపిక మరొకటి లేదు. ఇది శరీరాన్ని ఫిట్‌గా ఉంచడమే కాకుండా, మానసిక ఆరోగ్యాన్ని, శరీరాన్ని ఆరోగ్యంగా ఉంచుతుంది. ఇది బరువును నియంత్రణలో ఉంచడానికి సహాయపడుతుంది. ప్రతిరోజూ సైక్లింగ్ చేయడం వల్ల అనేక తీవ్రమైన వ్యాధుల ప్రమాదాన్ని తగ్గిస్తుంది. జీవనశైలిని మెరుగుపరుస్తుంది. రోజూ సైక్లింగ్ చేయడం వల్ల కలిగే ప్రయోజనాలు తెలుసుకుందాం.
గుండె ఆరోగ్యం
హార్వర్డ్ మెడికల్ స్కూల్, అమెరికన్ హార్ట్ అసోసియేషన్ నివేదికల ప్రకారం.. క్రమం తప్పకుండా సైక్లింగ్ చేసేవారిలో గుండె జబ్బుల ప్రమాదం 50% తగ్గుతుంది. సైక్లింగ్ చేసినప్పుడు గుండె వేగంగా పంప్ చేస్తుంది. ఇది రక్త ప్రసరణను మెరుగుపరుస్తుంది. కొలెస్ట్రాల్‌ను తగ్గిస్తుంది. ప్రతిరోజూ 30 నిమిషాలు సైక్లింగ్ చేసే వ్యక్తులు గుండెపోటు, స్ట్రోక్ వంటి వ్యాధులతో బాధపడే అవకాశం తక్కువగా ఉంటుంది. త్వరగా బరువు తగ్గాలనుకుంటే, సైక్లింగ్ మీకు ఉత్తమ ఎంపిక. ప్రతిరోజూ 30 నుండి 40 నిమిషాలు సైకిల్ తొక్కితే 6 నెలల్లో 5 కిలోల బరువు వరకు తగ్గవచ్చు.
మానసిక ఆరోగ్యం
నేటి బిజీ జీవితంలో ఒత్తిడి, నిరాశ ఒక సాధారణ సమస్యగా మారాయి. కానీ ప్రతిరోజూ సైక్లింగ్ మానసిక ఒత్తిడిని తగ్గిస్తుంది. ఒక నివేదిక ప్రకారం, సైక్లింగ్ శరీరంలో ఎండార్ఫిన్లు, డోపామైన్ వంటి ‘హ్యాపీ హార్మోన్లను’ విడుదల చేస్తుంది. ఇవి ఒత్తిడి, ఆందోళనను తగ్గించడంలో సహాయపడతాయి. సైకిల్ తొక్కేటప్పుడు, మెదడుకు తాజా గాలి లభిస్తుంది. కండరాలు విశ్రాంతినిస్తాయి. ఇది మానసిక స్థితిని, మానసిక ఆరోగ్యాన్ని మెరుగ్గా ఉంచుతుంది.
దీర్ఘాయుష్షు
రోజూ సైకిల్ తొక్కేవారి సగటు ఆయుర్దాయం 5 నుండి 10 సంవత్సరాలు ఎక్కువగా ఉంటుంది. సైక్లింగ్ శరీరంలోని అన్ని కండరాలను చురుగ్గా ఉంచుతుంది.వ్యాధుల ప్రమాదాన్ని తగ్గిస్తుంది. ఇది గుండె, ఊపిరితిత్తులు, ఎముకలు, కండరాలను బలపరుస్తుంది. ఇది శరీరాన్ని ఎక్కువ కాలం ఫిట్‌గా ఉంచుతుంది.
మధుమేహం నియంత్రణ
మధుమేహ వ్యాధిగ్రస్తులకు సైక్లింగ్ కూడా చాలా ప్రయోజనకరంగా ఉంటుంది. వారానికి కనీసం 150 నిమిషాలు సైకిల్ తొక్కేవారికి టైప్ 2 డయాబెటిస్ వచ్చే ప్రమాదం 40% తగ్గుతుందని అమెరికన్ డయాబెటిస్ అసోసియేషన్ నివేదిక పేర్కొంది. సైక్లింగ్ రక్తంలో చక్కెర స్థాయిలను నియంత్రిస్తుంది. మధుమేహాన్ని అదుపులో ఉంచుతుంది.
కీళ్ల నొప్పుల నుండి ఉపశమనం
సైక్లింగ్ మోకాలు, కీళ్లకు వశ్యతను తెస్తుంది. ఆర్థరైటిస్ వంటి సమస్యల నుండి ఉపశమనం అందిస్తుంది. పరుగెత్తడంలో ఇబ్బంది ఉన్నవారికి ఇది మంచి వ్యాయామం కూడా.
