ఇప్పుడైతే ప్లాస్టిక్ ప్లేట్‌లు, పేపర్ ప్లేట్‌లు వచ్చాయి కానీ.. ఒకప్పుడు అరటి ఆకులలోనే భోజనం చేసేవారు. అందులో తింటే చాలా ప్రయోజనాలు కూడా పొందొచ్చని ఆరోగ్య నిపుణులు చెబుతున్నారు. అద్భుతమైన టేస్టీతో పాటు మరెన్నో బెనిఫిట్స్ లభిస్తాయి. అందువల్లనే అరటి ఆకులపై తినే సంప్రదాయం దక్షిణ భారతదేశంలో ఇప్పటికీ చాలా ప్రబలంగా ఉంది.
ఇది ఒకటి కాదు.. అనేక ప్రయోజనాలను కలిగి ఉంది. అరటి ఆకులలో తింటే ఆరోగ్యానికి ఎలా ఉపయోగపడుతుందో తెలిస్తే ఆశ్చర్యపోతారు. ఇది అనేక ప్రయోజనాలను అందిస్తుంది. అరటి ఆకులలో సహజంగా యాంటీఆక్సిడెంట్లు పుష్కలంగా ఉంటాయి. ఇవి జీర్ణక్రియకు సహాయపడతాయి. అదనంగా దాని యాంటీ బాక్టీరియల్ లక్షణాలు ఆహారాన్ని తాజాగా, ఆరోగ్యంగా ఉంచడంలో సహాయపడతాయి. దాని ప్రయోజనాలు ఏంటో తెలుసుకుందాం?
ప్రయోజనాలు
అరటి ఆకుల్లో తినడం వల్ల సహజంగానే ఆహారం రుచి పెరుగుతుంది. ఇది ఆహారాన్ని మరింత సుగంధంగా, రుచిగా మార్చడంలో సహాయపడుతుంది. అలాగే యాంటీ బ్యాక్టీరియల్ గుణాలు సమృద్ధిగా ఉంటాయి. అరటి ఆకులలో సహజ యాంటీ బాక్టీరియల్ లక్షణాలు ఉంటాయి. ఇవి బ్యాక్టీరియా ఇన్ఫెక్షన్ల ప్రమాదాన్ని తగ్గించడంలో సహాయపడతాయి.
ఆహారాన్ని ఆరోగ్యవంతంగా చేస్తాయి. అంతేకాకుండా ఇది పర్యావరణ అనుకూలమైనది. ప్లాస్టిక్ లేదా మెటల్ ప్లేట్‌లతో పోలిస్తే, అరటి ఆకులు ప్రకృతికి అనుకూలమైనవి. కాలుష్యం వ్యాప్తిని నివారిస్తాయి. ఆహారాన్ని అందించడానికి ఇది మంచి ఎంపికగా పరిగణించబడుతుంది.
వీటితో పాటు అరటి ఆకులపై ఆహారం తీసుకోవడంలో ఎటువంటి సమస్య లేదు. ఇది చాలా మందికి అనుకూలమైన ఆప్షన్. వాటిని ఉపయోగించే ముందు నీటితో కడగాలి. తిన్న తర్వాత వాటిని మట్టిలో వేసేయొచ్చు. అక్కడ అవి సహజంగా కుళ్ళిపోతాయి. అదే పేపర్ ప్లేట్స్ అయితే పర్యావరణానికి ముప్పుతెస్తాయి.
