ఉదయాన్నే కొన్ని మార్పులు చేసుకోవడం వల్ల చాలా ప్రయోజనాలు ఉంటాయి. ముఖ్యంగా 20 ఏళ్లు పైబడిన మహిళలు ఈ బెనిఫిట్స్ పొందుతారు. ఆ అలవాట్లు మధుమేహం, గుండె జబ్బులు, హార్మోన్ల అసమతుల్యత వంటి వ్యాధుల నుండి రక్షించడంలో సహాయపడతాయి. 20 ఏళ్లు పైబడిన మహిళలకు ఇటువంటి అలవాట్లు వారి శరీరాన్ని ఎక్కువ కాలం ఆరోగ్యంగా ఉంచడంలో సహాయపడతాయి. ఈ అలవాట్లు వృద్ధాప్య ప్రక్రియలో వ్యాధులను నివారించడంలో, శక్తి స్థాయిలను పెంచడంలో సహాయపడతాయి. దీని కోసం ఏ అలవాట్లను అలవరచుకోవాలో ఇప్పుడు తెలుసుకుందాం?
నానబెట్టిన మెంతి గింజలను తినండి
నానబెట్టిన మెంతి గింజలను ఉదయాన్నే తింటే చాలా ప్రయోజనాలు ఉంటాయి. ఈ చిన్న విత్తనాలలో యాంటీఆక్సిడెంట్లు, ఫైబర్ పుష్కలంగా ఉంటాయి. ఇవి రక్తంలో చక్కెరను నియంత్రించడంలో, జీర్ణక్రియను మెరుగుపరచడంలో సహాయపడతాయి. ఇవి హార్మోన్ల సమతుల్యతను కాపాడతాయి. పీరియడ్స్ క్రాంప్‌లను తగ్గిస్తాయి. PCOSని నియంత్రించడంలో సహాయపడతాయి.
ఉదయం ఎండలో 10 నిమిషాలు ఉండండి
ఎముకల ఆరోగ్యానికి, రోగనిరోధక శక్తికి, హార్మోన్ల సమతుల్యతకు అవసరమైన విటమిన్ డి చాలా మంది స్త్రీలలో లోపం ఉంది. ఉదయం 10 గంటల లోపు సూర్యరశ్మికి గురికావడం వల్ల శరీరంలో విటమిన్ డి లోపాన్ని అధిగమించవచ్చు. సెరోటోనిన్ స్థాయిలను పెంచడం ద్వారా మానసిక స్థితిని మెరుగుపరుస్తుంది. ఈ సాధారణ అలవాటు బోలు ఎముకల వ్యాధి, డిప్రెషన్ ప్రమాదాన్ని తగ్గిస్తుంది.
ప్రోటీన్ అధికంగా ఉండే ఆహాారం
ఆహారం తినకుండా ఉండటం లేదా టోస్ట్, తృణధాన్యాలు లేదా చక్కెర స్మూతీస్ వంటి కార్బ్-హెవీ మీల్స్ తినడం వల్ల కాలక్రమేణా ఇన్సులిన్ స్పైక్‌లు, హార్మోన్ల అసమతుల్యత ఏర్పడవచ్చు. 20 ఏళ్లు పైబడిన మహిళలు కండరాల బలానికి, రక్తంలో చక్కెరను నియంత్రించడానికి, జీవక్రియను మెరుగుపరచడానికి ప్రోటీన్-రిచ్ బ్రేక్‌ఫాస్ట్‌లపై దృష్టి పెట్టాలి.
