Health Benefits of Moringa: మనం తీసుకునే తాజా పండ్లు, కూరగాయలే శరీరానికి ఔషదాలుగా ఉపయోగపడతాయి. ఎన్నో రకాల కూరగాయలను, మొక్కలను మన పురాతన కాలం నుంచే ఔషదాలుగా ఉపయోగిస్తున్నారు. అందులో మునగాకు ఒకటి. మునగకాయను భారతీయ వంటకాల్లో వాడతారు. అయితే మునగకాయలు మాత్రమే కాదు, ఆకులు కాండం, వేర్లు, పూలు, విత్తనాలు ఇలా అన్ని భాగాలు శరీరానికి దివ్యౌషదంగా పనిచేస్తాయని పరిశోధనల్లో తేలింది. మునగచెట్టు మన ఆరోగ్యానికి ఎలా ప్రయోజనాలు కలిగిస్తుందో ఇప్పుడు తెలుసుంకుందాం.

మునగాకు అన్ని రకాల వ్యాధులకు దివ్యౌదంగా పనిచేస్తుంది. మునగాకు మధుమేహం, వాపులను తగ్గించడం, బ్యాక్టీరియా, వైరల్ ఫంగల్ ఇన్ఫెక్షన్లు తగ్గించడంలో సహాయపడుతుంది. మునగలో అన్నిరకాల విటమిన్లు, ఖనిజ లవణాలు ఎక్కువగా ఉండటమే ఇందుకు ప్రధాన కారణం అని చెబుతారు. మునగలో విటమిన్ సి, పొటాషియం అధికంగా ఉంటుందని పరిశోధకులు చెబుతున్నారు. వీటితో పాటు కాల్షియం, అమైనో ఆమ్లాలు పుష్కలంగా లభిస్తాయి. వీటివల్ల కండరాలు బలంగా తయారు అవుతాయి. మునగలో యాంటీ ఆక్సిడెంట్లు పుష్కలంగా ఉంటాయి. ఇవి కణాలు చెడిపోకుంగా కాపాడుతాయి. అంతేకాదు రోగ నిరోధక శక్తిని మెరుగుపరుస్తుంది.

మునగాకులో ఉండే యాంటీ ఆక్సిడెంట్లు కారణంగా రక్తపోటును నియంత్రిస్తుంది. శరీరంలో కొవ్వు శాతం కూడా తగ్గుతుందని పరిశోధకులు చెబుతున్నారు. ముఖ్యంగా ఆర్ధరైటిస్ వ్యాధులు వచ్చిన వారు క్రమంగా రోజు మునగను తీసుకున్నట్లైతే వారిలో నొప్పిలు తగ్గుతాయి. మునగాకులో ఇన్సులిన్ వంటి ప్రొటీన్లు ఉన్నట్లు పరిశోధకులు గుర్తించారు. ఇవి రక్తంలో చక్కెర స్థాయిలను నియంత్రించతడంలో కీలకంగా వ్యవహరిస్తాయి.

క్యాన్సర్ పేరు వింటేనే ప్రతి ఒక్కరికి భయపడే పరిస్థితి నేడు నెలకొంది. అయితే మునగతిన్నారంటే.. మంచి ఫలితం ఉంటుంది. ఎందుకంటే.. మునగలో కాన్సర్ కణాలను నిరోధించే లక్షణాలు పుష్కలంగా లభిస్తాయి.