పవర్ స్టార్ పవన్ కళ్యాణ్ ప్రస్తుతం బిజీబిజీగా ఉన్నారు. ఓవైపు రాజకీయాలతో, మరోవైపు సినిమాలతో దూసుకుపోతున్నారు. ఆయన డిప్యూటీ సీఎం కాకముందు సంతకాలు చేసిన సినిమాలను వరుసగా పూర్తి చేస్తున్నారు. ఇందులో భాగంగానే ఆయన నటిస్తున్న కొత్త సినిమా హరిహర వీరమల్లు. ఈ సినిమా పట్టాలెక్కి ఎన్నో నెలలు గడిచింది.
కానీ ఇప్పటివరకు రిలీజ్ కి నోచుకోలేదు. ఇంకా షూటింగ్ దశలోనే ఉంది. ఈ సినిమాలో పవన్ కళ్యాణ్ యోధుడి పాత్రలో నటిస్తున్నాడు. ఇప్పటికే ఈ సినిమా నుంచి విడుదలైన పోస్టర్లు, సాంగ్స్ కి మంచి క్రేజ్ వచ్చింది. ఇటీవల విడుదలైన ఆ రెండు సాంగ్స్ అదిరిపోయే రేంజ్ లో యూట్యూబ్ లో ట్రెండ్ అయ్యాయి.
కనివిని ఎరుగని వ్యూస్ తో అదరగొట్టేసాయి. ఇక సినిమా ఎప్పుడెప్పుడు రిలీజ్ అవుతుందా అని అభిమానులు ఎంతో ఆసక్తిగా ఎదురుచూస్తున్నారు. ఎన్నోసార్లు ఈ సినిమా రిలీజ్ వాయిదా పడుతూ వచ్చింది. మొత్తంగా ఈ చిత్రాన్ని మార్చి 28న రిలీజ్ చేస్తున్నట్లు మేకర్స్ గతంలో తెలిపారు. అయితే ఇవాళ హోలీ సందర్భంగా ఫ్యాన్స్ కు షాకింగ్ న్యూస్ ఇచ్చారు.
ఈ సినిమా రిలీజ్ వాయిదా పడినట్లు తెలిపారు. ఈ మేరకు హోలీ సందర్భంగా కొత్త పోస్టర్ రిలీజ్ చేశారు. అందులో పవన్ కళ్యాణ్ తో పాటు హీరోయిన్ నిధి అగర్వాల్ సహా ఇతర నటులు గుర్రాలపై కూర్చుని ఉన్నారు. అందులోనే ఈ మూవీ కొత్త రిలీజ్ డేట్ ను మేకర్స్ అనౌన్స్ చేశారు. గతంలో మార్చ్ 28న రిలీజ్ చేస్తున్నట్లు ప్రకటించారు. అయితే ఇప్పుడు ఆ రిలీజ్ డేట్ ను వాయిదా వేశారు.
కొత్త డేట్ ప్రకారం.. హరిహర వీరమల్లు సినిమాను మే 9వ తేదీన రిలీజ్ చేస్తున్నట్లు అఫీషియల్ గా అనౌన్స్ చేశారు. కాగా ఈ సినిమా రెండు పార్ట్ లుగా ప్రేక్షకుల ముందుకు రానుంది. క్రిష్, జ్యోతి కృష్ణ డైరెక్ట్ చేస్తున్న ఈ సినిమాకు కీరవాణి సంగీతం అందిస్తున్నాడు.
