Jaggery Milk Benefits: బెల్లాన్ని పాలతో తీసుకుంటే.. అనేక ఆరోగ్య ప్రయోజనాలు ఉన్నాయి. బెల్లం కలిపిన పాలలో మినరల్స్ అధికంగా ఉంటాయి. పాలు, బెల్లంలో కాల్షియం, ఐరన్ పుష్కలంగా ఉంటాయి. ఇవి ఎముకలను బలోపేతం చేయడంలో అద్భుతంగా పనిచేస్తాయి. పడుకునే ముందు ఒక గ్లాసు పాలలో బెల్లం కలిపి తీసుకుంటే.. నిద్రలేమి సమస్యలను తగ్గించడంలో సహాయపడతాయి. పాలలో ట్రిప్టో ప్రొటీన్ అమైనో ఆమ్లాలు అధికంగా ఉండటం వల్ల నిద్ర నాణ్యతను మెరుగుపరుస్తుంది.
రోగ నిరోధక శక్తిని పెంచుతుంది.
పాలు, బెల్లం కలిపి తాగడం వల్ల రోగ నిరోధక శక్తిని పెంచేలా చేస్తుంది. పాలలో విటమిన్ ఎ, డి, బి 12, కాల్షియం, ప్రొటీన్లు పుష్కలంగా ఉంటాయి. బెల్లంలో ఉండే యాంటీ ఆక్సిడెంట్లు, ఫ్రీ రాడికల్స్‌తో పోరాడి ఒత్తిడి తగ్గించి వ్యాదులతో పోరాడతాయి. పాలలో బెల్లం కలిపి ప్రతిరోజు తీసుకుంటే.. అనేక అనారోగ్య సమస్యలకు చెక్ పెట్టొచ్చు.
జీర్ణక్రియను మెరుగుపరుస్తుంది.
పాలలో బెల్లం తీసుకుంటే.. శరీరానికి క్లెన్లర్‌గా పనిచేసి జీర్ణక్రియను మెరుగుపరుస్తుంది. అంతేకాదు శరీరంలోని ఆమ్లతను తగ్గిస్తుంది. పొట్టలో గ్యాస్‌ను ఉత్పత్తి చేయదు. ఒక గ్లాసు గోరువెచ్చటి పాలల్లో బెల్లం కలిపి తీసుకుంటే హాయిగా నిద్రపడుతుంది.
బరువు తగ్గడంలో సహాయపడుతుంది
పాలు, బెల్లం కలిపి తీసుకుంటే రక్తంలో చక్కెర స్థాయిలను తగ్గిస్తుంది. అర్థరాత్రి జంక్ ఫుడ్ కోరికలను తగ్గిస్తుంది . ఆస్తమా నుండి కాపాడుతుంది. బెల్లం పాలు కలిపిన పాలు ప్రతిరోజు తాగడం వల్ల బరువు తగ్గుతారు. వృద్ధాప్యంలో ఉన్నవారికి కీళ్ల నొప్పులు, ఆర్థరైటిస్ సమస్యల నుంచి ఉపశమనం లభిస్తుంది. బెల్లం పాలు తాగితే శరీరంలో శక్తి స్థాయిలు పెరిగి నీరసం, అలసట తగ్గుతాయి.
