అధిక కొలెస్ట్రాల్ శరీరానికి మంచిది కాదు. ఆరోగ్య నిపుణులు కూడా అదే చెబుతున్నారు. కొలెస్ట్రాల్ పరిమాణం పెరగడం వల్ల గుండె జబ్బులు వచ్చే ప్రమాదం ఉంది. ధమనులలో కొలెస్ట్రాల్ చేరడం ప్రారంభిస్తే, గుండె రక్తాన్ని పంప్ చేయలేకపోతుంది. దీంతో గుండె ఆగి, గుండెపోటు వచ్చే ప్రమాదం ఉంది. కొలెస్ట్రాల్‌ను తగ్గించడానికి.. ఎక్కువమంది స్టాటిన్స్‌తో తయారు చేసిన మెడిసిన్స్ తీసుకుంటారు.

ఈ మందులను తీసుకోవడం వల్ల కొలెస్ట్రాల్ సమస్యను ఎదుర్కోవడంలో సహాయపడుతుంది. అయితే ఇది శరీరానికి చెడు అలవాటుగా మారుతుంది. ఇది సరైన పద్దతి కాదని వైద్యులు చెబుతున్నారు. అందువల్ల ఈ మెడిసిన్స్ తీసుకునే ముందు జీవనశైలిలో కొన్ని మార్పులు చేసుకోవాలి. దాని ద్వారా మీరు ఆరోగ్యంగా ఉంటారు.

5 చిట్కాలతో కొలెస్ట్రాల్‌ కంట్రోల్

హెల్తీ కొవ్వులు తినడం

మంచి కొలెస్ట్రాల్‌ను పెంచడానికి.. మీ ఆహారంలో ఆరోగ్యకరమైన కొవ్వులు ఉన్న ఆహారాన్ని చేర్చండి. ఎక్కువగా వాల్‌నట్‌లు, చేపలు, బాదం, చియా గింజలు తినవచ్చు.

వ్యాయామం

అధిక కొలెస్ట్రాల్ కంట్రోల్ చేయడానికి వ్యాయామం ముఖ్యమని వైద్యులు చెబుతున్నారు. మీరు ఎల్‌డిఎల్ స్థాయిని తగ్గించడానికి ప్రతిరోజూ కొంత సమయం పాటు భారీ వ్యాయామం చేయాలి. డ్యాన్స్, సైక్లింగ్ కూడా చేయవచ్చు.

ఎక్కువ ఫైబర్ – తక్కువ చక్కెర

మీ ఆహారంలో ఫైబర్ ఫుడ్స్ తీసుకోవడం పెంచాలి. చక్కెర అధికంగా ఉండే ఆహారాన్ని తీసుకోవడం తగ్గించాలి. ఫైబర్ కొలెస్ట్రాల్ స్థాయిలను అదుపులో ఉంచుతుంది. చక్కెరను తగ్గించడం వల్ల చెడు కొలెస్ట్రాల్ పెరగదు. ఓట్స్, తాజా పండ్లు, కూరగాయలు తీసుకోవాలి. తృణధాన్యాలు, పప్పులు కూడా తప్పకుండా తినాలి.

ధూమపానానికి దూరం

సిగరెట్ కూడా చెడు కొలెస్ట్రాల్ స్థాయిని పెంచుతుంది. దీనివల్ల ధమనులలో అడ్డంకులు ఏర్పడతాయి.

యోగా

మీరు మీ దినచర్యలో యోగా, ధ్యానాన్ని చేర్చుకోవచ్చు.