Jana Nayagan: దళపతి విజయ్ చివరి సినిమా ‘జన నాయగన్’ జనవరి 9, 2026న రిలీజ్ కాబోతోందని చిత్రం అధికారికంగా ప్రకటించారు. ఈ సినిమాకి హెచ్. వినోద్ దర్శకత్వం వహిస్తున్నారు. కేవీఎన్ ప్రొడక్షన్స్ భారీ ఎత్తున ఈ సినిమాన్ని చిత్రీకరిస్తున్నారు. దళపతి విజయ్ సినీ ప్రయాణానికి నివాళిలా ఈ చిత్రం ఉంటుందని మేకర్లు ఇది వరకు చెప్పిన సంగతి తెలిసిందే. తాజాగా విడుదల తేదీ ప్రకటించి మరింతగా హైప్ క్రియేట్ చేశారు.
దళపతి విజయ్ నటిస్తున్న ఈ జన నాయగన్ సినిమాని వచ్చే ఏడాది సంక్రాంతి బరిలోకి దించుతున్నారు. సంక్రాంతి సందడి మొదలయ్యే కంటే ముందే బాక్సాఫీస్ వద్ద విజయ్ సందడి షురూ కానుంది. కోలీవుడ్‌లో పొంగల్ అంటే విజయ్ సాధించిన రికార్డులు, వసూళ్ల వర్షం అందరికీ గుర్తుకు వస్తుంటుంది. ఇక చివరగా ఇలా సంక్రాంతి బరిలోకి విజయ్ వచ్చి రికార్డులు సునామీని సృష్టించబోతోన్నారని అందరికీ అర్థమై ఉంటుంది.
విజయ్ పుట్టినరోజు సందర్భంగా రిలీజ్ చేసిన ఫస్ట్ లుక్ పోస్టర్లకు మంచి స్పందన వచ్చింది. స్టైలీష్ లుక్‌లో విజయ్ తన ఫ్యాన్స్‌ను ఇట్టే కట్టిపడేశారు. ఫార్స్ ఫిల్మ్ ద్వారా ఓవర్సీస్‌లో ఈ సినిమాని భారీ ఎత్తున విడుదల చేయబోతోన్నారు. ఇక విజయ్ నటించే చివరి చిత్రం అవ్వడంతో చెన్నై నుంచి చికాగో.. ముంబై నుంచి మెల్‌బోర్న్‌ వరకు అభిమానుల్లో అంచనాలు భారీ స్థాయిలో ఉన్నాయి.
ప్రస్తుతం కేవీఎన్ ప్రొడక్షన్స్ ‘టాక్సిక్: ఎ ఫెయిరీ టేల్ ఫర్ గ్రోన్ అప్స్’, ‘జన నాయగన్’ వంటి భారీ చిత్రాల నిర్మాణంలో బిజీగా ఉన్నారు. ఇక జన నాయగన్ మూవీలో స్టార్ హీరోయిన్ పూజా హెగ్డే హీరోయిన్ గా నటిస్తోంది. అలాగే బాబీ డియోల్ విలన్‌గా కనిపించనున్నాడు. వీరితో పాటు ప్రియమణి, శ్రుతి హాసన్, మమితా బైజు, గౌతమ్ వాసుదేవ్ మేనన్, ప్రకాశ్‌ రాజ్, నరైన్, రెబా మోనికా జాన్, వరలక్ష్మి శరత్ కుమార్ తదితరులు ప్రధాన పాత్రలు పోషిస్తున్నారు. అనిరుధ్ సంగీతం అందిస్తున్నారు.
