Hair Care Tips: ఇప్పుడున్న రోజుల్లో అతి కొద్దిమందిలో మాత్రమే పొడవాటి జుట్టు కనిపిస్తుంది. అయితే కొన్ని కారణాల వల్ల హెయిర్ ఫాల్ అవుతుంటుంది. జుట్టు ఊడిపోవడానికి ప్రధాన కారణం ఒత్తిడి, బయట కాలుష్యం, మనసు ప్రశాంతంగా లేకపోవడం వల్ల జుట్టు రాలిపోయే ప్రమాదం ఉందని ఆరోగ్య నిపుణులు చెబుతున్నారు.
దీంతో పాటు సరైన పోషకాహారం తీసుకోవాలి, ముఖ్యంగా ఆకు కూరలు, పండ్లు తీసుకోవాలి. అయితే చాలా మంది హెయిర్ ఫాల్‌ను ఆపేందుకు అనేక రకాల ప్రయత్నాలు చేస్తుంటారు. బయట మార్కెట్లో సీరమ్‌లు, షాంపులు, ఆయిల్స్‌ను యూజ్ చేస్తుంటారు. వీటివల్ల ఫలితం ఉంటుందో లేదో పక్కన పెడితే అనేక అనారోగ్య సమస్యలు వచ్చే అవకాశం ఉంది. కాబట్టి ఇంట్లోనే దొరికే నాచురల్ పదార్ధాలతో హెయిర్ ఆయిల్ తయారు చేసుకున్నారంటే.. మంచి రిజల్ట్ మీకు కనిపిస్తాయి. జుట్టు పొడవుగా, ఒత్తుగా, పెరుగుతుందట. మరి ఎలా తయారు చేసుకోవాలో ఇప్పుడు తెలుసుకుందాం.
కావాల్సిన పదార్ధాలు
ఆవాల నూనె
ఉసిరి కాయలు
కరివేపాకు
భృంగరాజ్ ఆకులు
కలబంద
మెంతులు
మందారం పువ్వులు
మందారం ఆకులు
బ్లాక్ సీడ్స్
తయారు చేసుకునే విధానం
ముందుగా స్టవ్ వెలిగించి కడాయి పెట్టుకుని.. అందులో కావాల్సినంత ఆవాల నూనె, మందారం పువ్వులు, మందారం ఆకులు, కరివేపాకు, భృంగరాజ్ ఆకులు, కలంబంద ముక్కలు, ఉసిరి ముక్కలు, కప్పు మెంతులు కలిపి బాగా బ్రౌన్ కలర్ వచ్చేంత వరకు మరిగించండి. ఆ తర్వాత స్టవ్ కట్టేసి గాజు సీసాలోకి వడకట్టుకోండి. ఈ హెయిర్ ఆయిల్ ను ప్రతిరోజు జుట్టుకు అప్లై చేసుకోవచ్చు. లేదా పడుకునే ముందు అప్లై చేసి మరుసటి రోజు జుట్టుకు పెట్టుకుని సాధారణ షాంపూతో తలస్నానం చెయ్యండి. ఇలా క్రమం తప్పకుండా చేస్తే.. మంచి ఫలితం ఉంటుంది. జుట్టు పొడవుగా ఒత్తుగా పెరగడంతో పాటు.. తెల్లజుట్టు సమస్యలు కూడా తొలగిపోతాయి. ఇంకెందుకు ఆలస్యం మీరు కూడా ఒకసారి ట్రై చేయండి.
