పనీర్ లో ప్రోటీన్ పుష్కలంగా లభిస్తుంది. ఇది కండరాలను బలంగా మారుస్తుంది, కణాల పునరుద్ధరణకు తోడ్పడుతుంది. శాఖాహారులకు పనీర్ అత్యుత్తమ ప్రోటీన్ మూలంగా చెప్పవచ్చు. 100 గ్రాముల పనీర్‌లో దాదాపు 18 గ్రాముల ప్రోటీన్ ఉంటుంది. ఇది శరీరానికి కావాల్సిన ప్రోటీన్లను సమృద్దిగా అందిస్తుంది.

పనీర్‌లో కాల్షియం ఎక్కువగా ఉంటుంది. ఇది ఎముకలకు బలంగా, దృఢంగా ఉండేలా చేస్తాయి. పిల్లలు, గర్భిణీలు, వృద్ధులకు కాల్షియం చాలా అవసరం కాబట్టి. రోజువారీ డైట్‌లో పనీర్ చేర్చుకోవడం మంచిదని నిపుణులు చెబుతున్నరు.

పనీర్‌లో విటమిన్ B12, విటమిన్ D, విటమిన్ A, రిబోఫ్లావిన్ వంటి విటమిన్లు పుష్కలంగా ఉంటాయి. అలాగే ఫాస్ఫరస్, జింక్, సెలీనియం వంటి ఖనిజాలు శరీరంలోని వివిధ పనితీరును మెరుగుపరచడంలో సహాయపడతాయి. ఇవి రోగనిరోధక శక్తిని పెంచడానికి తోడ్పడతాయి.

పనీర్‌లో ఒమేగా-3, ఒమేగా-6 ఫ్యాటీ యాసిడ్స్ అధికంగా ఉన్నాయి. ఇవి గుండె ఆరోగ్యాన్ని కాపాడటంలో అధ్భుతంగా పనిచేస్తాయి. రక్తనాళాల్లో పేరుకుపోయిన కొవ్వును నిరోధించి, రక్తపోటును అదుపులో ఉంచుతుంది.

పనీర్ తినడం వల్ల శరీరానికి తక్షణ శక్తి అందుతుంది. అలాగే ఎనర్జీగా ఉంటారు కూడా. ఇందులో కొవ్వు, ప్రోటీన్ రెండూ సమపాళ్లలో ఉండటంతో శక్తివంతమైన ఆహారంగా పనిచేస్తుందను నిపుణులు చెబుతున్నారు. శారీరక శ్రమ చేసేవారు, వ్యాయామం చేసే వ్యక్తులకు ఇది ఎంతో మేలు చేస్తుంది.

పనీర్‌లో ప్రోటీన్ అధికంగా ఉండటం వల్ల ఎక్కువసేపు ఆకలి అనిపించదు. ఇది తక్కువ కేలరీలు తీసుకునేలా చేస్తుంది. గ్లైసెమిక్ ఇండెక్స్ తక్కువగా ఉండటంతో రక్తంలో చక్కెర స్థాయిలు వేగంగా పెరగకుండా నియంత్రించడంలో సహాయపడుతుంది. అందువల్ల డయాబెటిస్ ఉన్నవారికి పనీర్ మంచి ఎంపిక.

పనీర్ ఎక్కువగా తింటున్నారా..?
పనీర్‌లో  కొవ్వు పదార్ధాలు ఎక్కువగా ఉండటం వల్ల..  కొలెస్ట్రాల్ స్థాయులు పెరిగి గుండె సమస్యలు వచ్చే అవకాశం ఉందని డాక్టర్లు చెబుతున్నారు.

పనీర్ అధిక కేలరీలు కలిగి ఉండటంతో.. అధికంగా తింటే బరువు పెరిగే అవకాశం ఉంది. బరువు తగ్గాలనుకునేవారు మితంగా తీసుకోవడం మంచిది.

కొంతమందికి పనీర్ తిన్న తర్వాత కడుపులో అసౌకర్యం, గ్యాస్, ఉబ్బరం లాంటి సమస్యలు తలెత్తవచ్చు.

మార్కెట్‌లో లభించే కొన్ని రకాల పనీర్‌లలో అధిక సోడియం ఉంటుంది. దీని వల్ల రక్తపోటు సమస్యలు పెరిగే అవకాశం ఉంది.