Niharika Konidela: నిహారిక కొణిదెల నిర్మాతగా 2024లో విడుదలైన ‘కమిటీ కుర్రోళ్లు’ సినిమా అనూహ్యమైన విజయాన్నిఅందుకున్న సంగతి తెలిసిందే. తెలుగు సినీ ఇండస్ట్రీలో సక్సెస్‌ఫుల్ ప్రొడ్యూసర్‌గా తన మార్క్‌ను క్రియేట్ చేసింది. ఈ చిత్రంలో నటించిన నటీనటుల్లో చాలా మంది మంది కొత్తవారే కావటం విశేషం.
తాజాగా నిహారిక తన నిర్మాణ సంస్థ పింక్ ఎలిఫెంట్ పిక్చర్స్ బ్యానర్‌పై..మరో సినిమాను ప్రారంభించనున్నారు. ఈ మూవీకి మానస శర్మ దర్శకత్వం వహిస్తున్నాడు. మ్యాడ్, మ్యాడ్ స్క్వేర్ చిత్రాలతో సూపర్ హిట్ అందుకుని, ప్రేక్షకులను తన నటనతో ఆకట్టుకున్న యువ కథానాయకుడు సంగీత్ శోభన్ ఈ సినిమాలో హీరోగా నటించబోతున్నాడు. సంగీత్ సోలో హీరోగా నటించనున్న తొలి సినిమా ఇదే. మిగిలిన నటీనటులు, పూర్తి వివరాలు త్వరలో వెల్లడి కానున్నాయి.
ఇది వరకే నిహారిక రూపొందించిన వెబ్ ప్రాజెక్ట్స్‌లో హీరో సంగీత్ శోభన్, డైరెక్టర్ మానస శర్మ కలిసి తీశారు. జీ5తో పింక్ ఎలిఫెంట్ పిక్చర్స్ తెరకెక్కించిన వెబ్ సిరీస్ ‘ఒక చిన్న ఫ్యామిలీ స్టోరీకి మానస శర్మ రచయితగా.. సోనీ లివ్ రూపొందించిన ‘బెంచ్ లైఫ్’కి దర్శకురాలిగా పని చేసిన సంగతి తెలిసిందే. తాజాగా పింక్ ఎలిఫెంట్ పిక్చర్స్ బ్యానర్ రూపొందించనున్న ఈ సినిమాతో మానస శర్మ ఫీచర్ ఫిల్మ్ డైరెక్టర్‌గా అరంగేట్రం చేయనున్నారు. ఇక సంగీత్ శోభన్ విషయానికి వస్తే ‘ఒక చిన్న ఫ్యామిలీ స్టోరీ’లో ప్రధాన పాత్రలో నటించారు.
ఈ సినిమాకి మానస శర్మ కథను అందించగా మహేష్ ఉప్పల కో రైటర్‌గా స్క్రీన్ ప్లే, డైలాగ్స్ అందించారు. మన్యం రమేష్ ఎగ్జిక్యూటివ్ ప్రొడ్యూసర్‌గా వ్యవహరిస్తున్నారు. నిహారిక కొణిదెల నిర్మిస్తోన్న ఈ మూవీకి సురేంద్ర కుమార్ నాయుడు – ఫణి కందుకూరి (బియాండ్ మీడియా) పిఆర్వోగా, టికెట్ ఫ్యాక్టరీ మార్కెటింగ్ వ్యవహారాలను నిర్వహిస్తున్నారు.
పింక్ ఎలిఫెంట్ పిక్చర్స్ ప్రొడక్షన్ నెం.2 ( #PEP2 )
బ్యానర్ – పింక్ ఎలిఫెంట్ పిక్చర్స్
నటీనటులు- సంగీత్ శోభన్
కథ – మానస శర్మ
స్క్రీన్ ప్లే, డైలాగ్స్ – మహేష్ ఉప్పాల, మానస శర్మ
దర్శకత్వం – మానస శర్మ
ఎగ్జిక్యూటివ్ ప్రొడ్యూసర్ – మన్యం రమేష్
ప్రొడ్యూసర్ – నిహారిక కొణిదెల
