Best Food: హెల్తీ ఫుడ్స్ మనల్ని, మన శరీరాన్ని ఆరోగ్యంగా ఉంచడమే కాదు.. మన చర్మాన్ని కూడా ఆరోగ్యంగా, యవ్వనంగా ఉంచడానికి చక్కగా పనిచేస్తాయి. వయసు పైబడిన తర్వాత చర్మం వదులుగా మారుతుంది. ముడతలు, మచ్చలు వస్తాయి. అయితే కొన్ని రకాల ఆహారాలను తింటే ఇలాంటి చర్మ సమస్యలు దరిచేరకుండా ఉంటుందని ఆరోగ్య నిపుణులు చెబుతున్నారు.
వయసు పెరిగే కొద్దీ అనేక అనేక చర్మ సమస్యలు రావడం కామన్. వయసు పెరుగుతున్న కొద్ది చర్మంపై ముడతలు, మచ్చలు, గీతలు వస్తుంటాయి. కానీ ఇవి అందాన్ని పూర్తిగా తగ్గిస్తాయి. కొన్ని చిట్కాలను పాటిస్తే 40 ఏండ్ల తర్వాత కూడా మీ స్కిన్ సహజంగా మెరిసిపోతుంది. ఆరోగ్యంగా ఉంటుందంటున్నారు నిపుణులు.
ముఖ్యంగా ఆహారం మన ఆరోగ్యంపై ఎంతో ప్రభావాన్ని చూపుతుంది. మనం తినే ఆహారమే మన ఆరోగ్యాన్ని చాలావరకు నిర్ణయిస్తుంది. చర్మ సంరక్షణలో కూడా ఆహారం కీలక పాత్ర పోషిస్తుంది. 40 ఏండ్లు దాటిన తర్వాత మీ చర్మం అందంగా, ఆరోగ్యంగా ఉండటానికి ఎలాంటి ఆహారాలను తినాలో ఇప్పుడు తెలుసుకుందాం..
అత్తిపండ్లు
అత్తి పండ్లలో ఫైబర్ అధికంగా ఉంటుంది, ఇది శరీరానికి తేమను అందిస్తుంది. ఇది సాధారణ ప్రేగు కదలికలను ప్రోత్సహిస్తుంది. వీటిని రెగ్యులర్ గా ఉంటుంది. ఈ పండ్లలో ఐరన్, పొటాషియం, వివిధ రకాల విటమిన్లు, యాంటీ ఆక్సిడెంట్లు పుష్కలంగా ఉంటాయి. వీటివల్ల చర్మం ఆరోగ్యంగా , అందంగా , ముడతలు లేకుండా ఉంటుంది.
బాదం పప్పు
రెగ్యులర్‌గా తినే ఆహారాల్లో బాదం కూడా ఒకటి. వీటిని నానబెట్టుకుని తింటే మన ఆరోగ్యానికి, చర్మ సౌందర్యానికి అనేక ప్రయోజనాలు కలుగుతాయి. వీటిలో ఉండే విటమిన్ ఎ మన చర్మానికి ఎంతో మేలు చేస్తుంది. ముఖ్యంగా చర్మంపై ముడతలను తగ్గించడానికి బాదం సహాయపడుతుంది. బాదం కూడా చర్మాన్నిబిగుతుగా ఉంచడంలో సహాయపడుతుంది.
ఆకు కూరలు
ఆకు కూరలను కూడా క్రమం తప్పకుండా తినొచ్చు. వీటిలో మన చర్మానికి అవసరమయ్యే ఎన్నో రకాల పోషకాలు అధికంగా ఉంటాయి. బచ్చలికూర, మునగాకు, పాలకూర వంటి ఆకుకూరలను క్రమం తప్పకుండా తినొచ్చు. వీటిలో ఉండే క్లోరోఫిల్ చర్మానికి మేలు చేస్తుంది. వీటిలో ఎక్కువగా విటమిన్ -సి ఉంటుంది. ఇది చర్మాన్ని ఆరోగ్యంగా, అందంగా ఉంచుతాయి.
బొప్పాయి
బొప్పాయి మన చర్మానికి చేసే మేలు అంతా ఇంతా కాదు. బొప్పాయి తింటే చర్మంపై ముడతలు, నలుపు రంగును తొలగించడానికి బొప్పాయి అద్భుతంగా పనిచేస్తుంది. ఇందులో ఉండే విటమిన్-ఎ, విటమిన్ సి, విటమిన్ కె చర్మానికి మేలు చేస్తాయి.
