మునక్కాడలు, మునగాకులు గురించి ఎంత చెప్పినా తక్కువే. ఇవి ఆరోగ్యానికి ఎంతో మేలు చేస్తాయి. శరీరానికి కావలసిన ఖనిజాలు, విటమిన్లు, అమైనో ఆమ్లాలు వీటిలో నిండుగా ఉంటాయి. అందువల్ల మునగ కాయలు లేదా మునగాకుల నీటిని ఉదయాన్నే ఖాళీ కడుపుతో తాగితే ఎన్నో అద్భుతమైన ఫలితాలు పొందవచ్చు.
ముఖ్యంగా ఇవి జుట్టు పెరుగుదలకు ఎంతో సహాయపడతాయి. జుట్టు పొడవుగా పెరగాలి అనుకునేవారు మునగకాయ లేదా మునగాకుల నీటిని తాగవచ్చు. ఇందులో ఉండే విటమిన్ ఏ, విటమిన్ ఈ, విటమిన్ బి తలకు కావలసిన పోషణను అందిస్తాయి. జుట్టు కుదుళ్లను బలంగా ఉంచడంతోపాటు జుట్టును ఒత్తుగా పెరగడానికి సహాయపడతాయి.
అలాగే ఇందులో యాంటీ ఆక్సిడెంట్లు పుష్కలంగా ఉంటాయి. ఇది తలపై ఆక్సీకరణ ఒత్తిడిని తగ్గిస్తుంది. అదే సమయంలో ఆరోగ్యవంతమైన జుట్టు పెరుగుదలకు సహాయపడుతుంది. మునక్కాయ అండ్ మునగాకులో జింక్, ఐరన్ పుష్కలంగా ఉంటుంది. ఇవి తలకు రక్తప్రసరణను చక్కగా జరిగేలా తోడ్పడతాయి. జుట్టు కుదుళ్లను ఆరోగ్యవంతంగా ఉంచుతాయి. అందువల్ల మునగాకులు లేదా మునక్కాయల నీటిని తాగడం చాలా మంచిది.
మునక్కాయ లేదా మునగాకును ముందుగా శుభ్రంగా కడిగి ఒక గిన్నెలో వేసుకోవాలి. అందులో కొంచెం వాటర్ వేసి మరిగించాలి. అలా నీరు కాస్త మరిగిన తర్వాత మునగాకును సపరేట్ చేసి వడ పెట్టాలి. గోరువెచ్చగా ఉన్నప్పుడు ఆ నీటిని ఉదయం పూట పరగడుపున ఖాళీ కడుపుతో తాగాలి. ఇలా చేస్తే నెల రోజుల్లో మీ చుట్టూ పొడవుగా ఒత్తుగా పెరుగుతుంది. ఇలా ప్రతిరోజు కాకపోయినా వారంలో మూడు నాలుగు సార్లు చేస్తే సరిపోతుంది.
ఈ కథనంలో మీకు అందించిన సమాచారం ఖచ్చితమైనది అని చెప్పడం లేదు. వీటిని పాటించే ముందు వైద్యున్ని సంప్రదించి చాల్సి ఉంటుంది
