97వ ఆస్కార్ అవార్డుల వేడుక అట్టహాసంగగా ఇవాళ ప్రారంభమైంది. లాస్‌ ఏంజిల్స్‌లోని డాల్బీ థియేటర్‌లో ఈ వేడుక అంగరంగ వైభవంగా జరుగుతోంది. ఈ అవార్డుల వేడుకకు హాలీవుడ్‌ ప్రధాన నటీ నటులతో పాటు, సాంకేతిక నిపుణులు హాజరయ్యారు. ముఖ్యంగా ఈ అవార్డుల వేడుకకు సినీ తారలు ఫ్యాషన్ దుస్తులతో హోరెత్తించారు. ఫ్యాషన్‌ ప్రపంచానికి సరికొత్త భాష్యం చెబుతూ ట్రెండీ డ్రెస్సుల్లో సందడి చేశారు.

ప్రస్తుతం అందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. ఇందులో భాగంగానే తాజాగా విజేతలను ప్రకటించారు. అందులో ‘ఎ రియల్‌ పెయిన్‌’ చిత్రంలో నటనకుగానూ కీరన్‌ కైల్‌ కల్కిన్‌ బెస్ట్ సహాయ నటుడిగా అవార్డు అందుకున్నారు. అలాగే ‘ఎమిలియా పెరెజ్‌’లో నటనకు జోయా సాల్దానా బెస్ట్ సహాయ నటిగా ఆస్కార్‌ అవార్డును దక్కించుకున్నారు.

అయితే ఈ వేడుకలో లైవ్‌ యాక్షన్‌ షార్ట్‌ ఫిల్మ్‌ విభాగంలో భారత దేశం నుంచి ‘అనూజ’ చిత్రానికి నిరాశ ఎదురైంది. నామినేషన్‌ సొంత చేసుకున్నా.. అవార్డు మాత్రం సొంతం చేసుకోలేకపోయింది. ఆ కేటగిరిలో ‘ఐయామ్‌ నాట్‌ ఏ రోబో’ ఉత్తమ లఘు చిత్రంగా అవార్డును కైవసం చేసుకుంది. వీటితోపాటు  మరిన్ని చిత్రాలకు,  నటీ నటులకు, టెక్నీషియన్స్‌కు కూడా అవార్డులు వరించాయి. ఇప్పుడు వాటి వివరాలు తెలుసుకుందాం.

ఆస్కార్‌ విజేతలు వీళ్లే..

ఉత్తమ సహాయ నటుడు -కీరన్‌‌కైల్‌ కల్కిన్(ది రియల్‌ పెయిన్‌)

ఉత్తమ సహా నటి – జోయా సాల్దానా (ఎమిలియా పెరెజ్)

ఉత్తమ స్క్రీన్‌ప్లే – అనోరా (సీన్‌ బేకర్‌)

ఉత్తమ అడాప్టెడ్‌ స్క్రీన్‌ప్లే – కాన్‌క్లేవ్‌ (పీటర్‌ స్ట్రాగన్‌)

ఉత్తమ కాస్ట్యూమ్‌ డిజైన్‌ – వికెడ్‌ (పాల్‌ తేజ్‌వెల్‌)

ఉత్తమ మేకప్‌, హెయిల్‌స్టైల్‌ – ది సబ్‌స్టాన్స్‌

ఉత్తమ ఎడిటింగ్ – అనోరా (సీన్‌ బేకర్‌)

ఉత్తమ సౌండ్‌ – డ్యూన్‌: పార్ట్‌2

ఉత్తమ విజువల్‌ ఎఫెక్ట్స్‌ – డ్యూన్‌:పార్ట్‌2

ఉత్తమ ఒరిజినల్‌ సాంగ్‌ – ఎల్‌ మాల్‌ (ఎమిలియా పెరెజ్‌)

ఉత్తమ ప్రొడక్షన్‌ డిజైన్‌ – వికెడ్‌

ఉత్తమ లైవ్‌ యాక్షన్‌ షార్ట్‌ ఫిల్మ్‌ – ఐయామ్‌ నాట్‌ ఏ రోబో

ఉత్తమ డాక్యుమెంటరీ షార్ట్‌ ఫిల్మ్‌- ది ఓన్లీ గర్ల్ ఇన్‌ ది ఆర్కెస్ట్రా

ఉత్తమ డాక్యుమెంటరీ ఫీచర్‌ ఫిల్మ్‌ – నో అదర్‌ ల్యాండ్‌

ఉత్తమ యానిమేటెడ్‌ ఫీచర్‌ ఫిల్మ్‌ – ఫ్లో

ఉత్తమ యానిమేటెడ్‌ షార్ట్‌ఫిల్మ్‌ – ఇన్‌ ది షాడో ఆఫ్‌ ది సైప్రెస్‌