పవర్ స్టార్ పవన్ కళ్యాణ్ హీరోగా పలు సినిమాలు చేస్తున్నాడు. అందులో హరిహర వీరమల్లు ఒకటి. యంగ్ డైరెక్టర్ జ్యోతి కృష్ణ ఈ సినిమాను డైరెక్ట్ చేస్తున్నారు. భారీ బడ్జెట్ తో ఈ సినిమా తెరకెక్కుతోంది. ఎప్పుడో పట్టాలెక్కన ఈ సినిమా ఇప్పటివరకు షూటింగ్ కంప్లీట్ చేసుకోలేదు. దానికి కారణం పవన్ కళ్యాణ్ రాజకీయాల్లో బిజీగా ఉండడమే.
అయితే ఇప్పుడు ఈ సినిమా షూటింగ్ చివరి దశకు చేరుకున్నట్లు తెలిసింది. ఇక ఇందులో పవన్ కళ్యాణ్ మాస్ పాత్రలో కనిపించనున్నారు. ఇప్పటికే ఈ సినిమా నుంచి విడుదలైన పోస్టర్లు చూస్తే అందరికీ అర్థం అయిపోయి ఉంటుంది. మీసాలు తిరిగిన వీర యోధుడిలా ఆ పోస్టర్లో పవన్ కనిపించాడు. కత్తి సాము కర్ర సాముతో సినీ ప్రియుల్లో ఆసక్తి రేకెత్తించాడు.
ఇప్పటికే ఈ సినిమా నుంచి విడుదలైన సాంగ్స్, గ్లింప్స్ కి అద్భుతమైన రెస్పాన్స్ వచ్చింది. ఇటీవల ఫస్ట్ సాంగ్ రిలీజ్ చేశారు. మాట వినాలి అనే ఫస్ట్ లిరికల్ సాంగ్ ను విడుదల చేయగా సినీ సినీ ప్రియుల్ని బాగా ఆకట్టుకుంది. ఫస్ట్ సాంగ్ పవన్ కళ్యాణ్ స్వయంగా పడడంతో అభిమానులు ఫిదా అయిపోయారు. ఇప్పుడు సెకండ్ సాంగ్ రిలీజ్ సిద్ధమైంది.
కొల్లగొట్టిందిరో అనే లిరికల్ సాంగ్ ప్రోమోను మేకర్స్ తాజాగా రిలీజ్ చేశారు. అందులో పవన్ కళ్యాణ్ స్టైల్, స్వాగ్, లుక్, ఓ రేంజ్ లో ఉన్నాయి. ఇక ఈ ఫుల్ సాంగ్ ను ఫిబ్రవరి 24న సాయంత్రం మూడు గంటలకు రిలీజ్ చేయనున్నట్లు మేకర్స్ తెలిపారు. ఇందులో పవర్ స్టార్ సరసన నిధి అగర్వాల్ నటిస్తోంది.
ఈ సాంగ్ ను చంద్రబోస్ రచన చేయగా ఫోక్ సింగర్ మంగ్లీ ఆలపించారు. అలాగే ఎంఎం కీరవాణి ఈ చిత్రానికి సంగీతం అందిస్తున్నారు. అన్ని పనులు పూర్తి చేసుకొని ఈ చిత్రాన్ని మార్చి 28న ప్రపంచవ్యాప్తంగా విడుదల చేయనున్నారు.
