కోలీవుడ్ సూపర్ స్టార్ రజినీకాంత్ ఫుల్ ఫామ్ లో ఉన్నాడు. వరుస సినిమాలతో దూసుకుపోతున్నాడు. యంగ్ హీరోలకు సమానంగా తనదైన శైలిలో హిట్లు కొడుతూ అదరగొడుతున్నాడు. గతంలో జైలర్ మూవీతో వచ్చి మంచి కంబ్యాక్ అయ్యాడు. ఈ సినిమా బాక్స్ ఆఫీస్ ను షేక్ చేసింది. 600 కోట్ల రూపాయలకు పైగా కలెక్షన్స్ సాధించింది.
ఇక ఈ మూవీ హిట్టుతో రజనీకాంత్ మరో చిత్రానికి గ్రీన్ సిగ్నల్ ఇచ్చేశాడు. మాస్ డైరెక్టర్ లోకేష్ కనగరాజు దర్శకత్వంలో కూలీ మూవీ చేస్తున్నాడు. ఈ సినిమాపై అందరిలోనూ భారీ అంచనాలు ఉన్నాయి. ఇప్పటికే ఈ సినిమా నుంచి విడుదలైన పోస్టర్లు, గ్లిమ్స్ కి ఓ రేంజ్ లో రెస్పాన్స్ వచ్చింది. ఈ మూవీలో టాలీవుడ్ హీరో అక్కినేని నాగార్జున కీలకపాత్రలో నటిస్తున్నాడు.
అలాగే కన్నడ రియల్ స్టార్ ఉపేంద్ర, మలయాళ నటుడు సౌబిన్సాహీర్, సత్యరాజ్ వంటి నటులు ఇందులో భాగమయ్యారు. తాజాగా ఈ సినిమా నుంచి మేకర్స్ అదిరిపోయే అప్డేట్ అందించారు. కూలి మూవీ షూటింగ్ సోమవారంతో కంప్లీట్ అయిందని తెలియజేశారు. ఈ మేరకు ఓ వీడియోను రిలీజ్ చేశారు. దీంతో ఈ సినిమాను ఎప్పుడేప్పుడు చూస్తామని అభిమానులు ఆసక్తిగా ఎదురుచూస్తున్నారు.
It's a super wrap for #Coolie 🔥@rajinikanth @Dir_Lokesh @anirudhofficial @iamnagarjuna @nimmaupendra #SathyaRaj #SoubinShahir @shrutihaasan @hegdepooja @anbariv @girishganges @philoedit @Dir_Chandhru @PraveenRaja_Off pic.twitter.com/ulcecQKII1
— Sun Pictures (@sunpictures) March 17, 2025
ఇక ఇటీవలే ఈ మూవీ ఓటిటి రైట్స్ డీలింగ్ కుదిరినట్లు తెలిసింది. ప్రముఖ ఓటిటి సంస్థ అమెజాన్ ప్రైమ్ వీడియోస్ ఈ మూవీ స్ట్రీమింగ్ హక్కులను దాదాపు రూ 120 కోట్లకు పైగా ధరతో సొంతం చేసుకున్నట్టు తెలిసింది. దీంతో థియేటర్ రన్ అనంతరం ఈ చిత్రాన్ని నెలరోజుల తర్వాత ఓ టీ టీ లోకి తీసుకురానుంది.
