హీరోలకు అభిమానులు ఉండటం సాధారణమే. కానీ, అందరు హీరోల అభిమానులు ఇష్టపడే ఏకైక హీరో వెంకటేష్ దగ్గుబాటి. వివాదాలకు దూరంగా ఉండే వెంకీ మామ అంటే టాలీవుడ్ ప్రేక్షకులకు ప్రత్యేక అభిమానం ఉంది. అందుకే, ఆయన ఇప్పటికీ ఫ్యామిలీ హీరోగా రాణిస్తున్నారు. వయస్సు ఎంత పెరిగినా ఆయన్ని, ఆయన నటనను యాక్సెప్ట్ చేస్తున్నారు. వెంకటేష్ చాలా వరకు టీవీ షోలు, ఇంటర్వ్యూలకు దూరంగా ఉంటారు. ఈ మధ్య తన సినిమా ప్రమోషన్ షోస్‌లో కనిపిస్తూ.. ప్రేక్షకులకు మరింత దగ్గరవ్వుతున్నారు. తాజాగా వెంకటేష్.. హీరో నందమూరి బాలకృష్ణ షో.. ‘అన్‌స్టాపబుల్’లో తన అన్న సురేష్ బాబుతో కలిసి పాల్గొన్నారు. ఈ సందర్భంగా ఇప్పటివరకు ఎవరితో పంచుకోని విషయాలను బాలయ్య షోలో చెప్పారు. అంతేకాదు.. ఫస్ట్ టైమ్ ఆయన.. భావోద్వేగానికి గురయ్యారు.
అసలే.. వెంకటేష్, పైగా బాలయ్య షో. ఇంకేముందు ప్రేక్షకులు కూడా ఈ ఎపిసోడ్‌ను చూసేందుకు ఆసక్తి చూపించారు. షో మొదలు నుంచే సోషల్ మీడియాలో వీరి క్లిప్పింగ్ వైరల్‌‌గా మారాయి. ఈ ఎపిసోడ్‌లో బాలకృష్ణ, వెంకటేష్‌తో కలిసి అనేక ఆసక్తికరమైన విషయాలను పంచుకున్నారు. బాలకృష్ణ పలువురు ప్రశ్నలు అడగగా, వెంకటేష్ స్పందిస్తూ తన జీవితంలోని అనుభవాలను, ఫ్యామిలీతో సంబంధించి కొన్ని ఇంట్రస్టింగ్ విషయాలను తెలిపారు. ముఖ్యం వెంకీ తన తండ్రి, లెజండరీ నిర్మాత దివంగత రామానాయుడు గురించి మాట్లాడారు.
సినిమా పరిశ్రమలో నిర్మాతగా మంచి పేరు తెచ్చుకున్న రామానాయుడు గురించి ఇప్పటివరకు ప్రేక్షకులకు తెలియని విషయాలను వెంకటేష్, సురేష్ బాబు వెల్లడించారు. తన తండ్రి రామానాయుడు గురించి చెబుతూ వెంకటేష్ భావోద్వేగానికి గురయ్యారు. ఆయన చెప్పిన మాటలు ఆడియన్స్‌ని కదిలించాయి. ‘‘మా నాన్న వల్లే మేము ఈ రోజు ఇక్కడ ఉన్నాం. ఆయన జీవితమంతా సినిమాలకు అంకితం చేశారు. ఇటు కుటుంబాన్ని.. అటు పనిని అద్భుతంగా బ్యాలెన్స్ చేసారు. ఆయన ఆఖరి రోజుల్లో కూడా సినిమా స్క్రిప్ట్ చదవడం. ఆయన ఒక స్క్రిప్ట్ చూసి.. ఆ సినిమా చేస్తే బాగుంటుందని చెప్పారు. అదే సమయంలో ఆయన అనారోగ్యానికి గురయ్యారు. దీంతో ఆ సినిమా చేయడం కుదరలేదు. ఆ సమయంలో నాకు చాలా బాధ కలిగింది. ఆ సినిమాతో ఆయనకు ఆఖరి స్మృతిని ఇచ్చి ఉంటే బాగుండేదని అనిపించింది’’ అని వెంకటేష్ పేర్కొన్నారు.
సురేష్ బాబు కూడా తన తండ్రి గురించి చెబుతూ ఎమోషనల్ అయ్యారు. ‘‘నాన్న చేయాలని అనుకున్నవి ఏవీ మేము పూర్తిగా చేయలేకపోయాం. ‘కృషి విజ్ఞాన కేంద్రం’ ఏర్పాటు చెయ్యాలని అని అనుకున్నారు. ఆయన మరణం తర్వాత కృషి విజ్ఞాన కేంద్రాన్ని ఏర్పాటు చేశాను. ఈ విధంగా ఆయన తలంచిన కోరికను కొంత మేరకు తీర్చగలిగాను. కానీ, నాన్న రెండు విషయాలు గురించి ఎక్కువగా బాధపడేవారు. ఎంపీగా ఓడిపోయినప్పటి నుంచి నిరాశలో మునిగిపోయారు. మరొకటి, ఆయన తన జీవితంలో వెంకీతో సినిమా చేయలేకపోయాననే బాధ ఉండేది’’ అని తెలిపారు.
‘‘నాన్న మా మధ్య లేకపోయినా.. అన్నయ్యే మా కుటుంబాన్ని చూసుకున్నారు. ఆయన ఒక్కరే మా ఫ్యామిలీకి ఆధారంగా నిలిచారు. ఇప్పుడు ఇక్కడ ఉన్నందుకు అన్నయ్యనే కారణం. ఆయన లేకపోతే మేం లేము’’ అని వెంకటేష్ అన్నారు. వెంకీ, సురేష్ బాబుల మాటలకు ప్రేక్షకులు కూడా భావోద్వేగానికి గురయ్యారు. ఈ షో ఇప్పుడు ‘ఆహా’ ఓటీటీలో ప్రసారమవుతోంది.
