Benefits of Cardamom: యాలకులు ఇవి తెలియని వారు ఉండరు. వంటలకు అద్భుతమైన రుచిని అందించే ఈ యాలుకలు ప్రతి ఒక్కరు వంటింట్లోను ఉండాల్సిందే. సుగంధ ద్రవ్యాల్లో ఒక్కటైన యాలుకలను ఎక్కువగా స్వీట్స్ లలో ఉపయోగిస్తారు. అయితే రుచి సువాసన ఇవ్వడమే కాదు, రోజుకు రెండు యాలుకలు తీసుకుంటే అనేక ఆరోగ్య ప్రయోజనాలు ఉన్నాయని నిపుణులు చెబుతున్నారు. అవేంటో ఇప్పుడు తెలుసుకుందాం. యాలుకల్లో ఉండే పొటాషియం, మెగ్నీషియం గుండె జబ్బులను దరిచేరకుండా రక్షిస్తుంది.
ప్రతిరోజు రెండు యాలుకుల తీసుకుంటే చాలు.. నరాల బలహీనత ఉన్నవారికి, లైంగిక సమస్యలు ఉన్నవారికి యాలుకలు దివ్యౌషదంగా చెప్పవచ్చు. ఎందుకంటే.. యాలుకల్లో ఉండే సెనియోల్ అనే కాంపౌండ్ పురషుల్లో నరాల పటిష్టతకు ఉపయోగపడుతుంది. అలాగే అసిడిటితో బాధపడేవాళ్లు ప్రతిరోజు భోజనం తర్వాత రెండు యాలకుల తింటే మంచి ఫలితం ఉంటుంది. యాలుకలు జీర్ణ శక్తిని మెరుగుపరుస్తాయి.
అధిక బరువు, శరీరంలోని అధిక కొలెస్ట్రాల్‌ను తగ్గించడంలో సహాయపడుతుంది. యాలుకల్లో మాంగనీస్ ఎక్కువగా ఉంటుంది. అది డయాబెటిస్ రిస్క్ నుంచి రక్షిస్తుంది. రక్తపోటును కంట్రోల్ చేస్తుంది. కాన్సర్ వంటి భయంకర జబ్బుల నుండి కాపడుతుంది. ఇక తలనొప్పిగా అనిపించినప్పుడు, ఒత్తిడిగా అనిపించినప్పుడు రెండు యాలుకలు తీసుకుంటే ఉపశమనం కలిగిస్తుంది. యాలుకలు నోటి దుర్వాసనను తగ్గించి, చిగుళ్లను ఆరోగ్యంగా ఉంచుతుంది. కాలేయాన్ని ఆరోగ్యంగా ఉంచుతుంది కూడా.
యాలుకలు వ్యాదినిరోధక శక్తిని పెంచడంలో సహాయపడుతుంది. పచ్చియాలుకలు తింటే.. ఊపిరితిత్తులలో కఫాన్ని కరిగించి శ్లేష్మాన్ని తొలగించే శక్తి యాలుకలకు ఉంది. శ్వాస సంబంధిత ఇబ్బందులతో బాధపడే పిల్లలకు.. పాలల్లో రెండు యాలకుల వేసి ఇవ్వండి. శ్వాస వ్యవస్థపై చక్కగా పనిచేస్తుంది. అజీర్ణం, కడుపు ఉబ్బరాన్ని తొలగిస్తుంది.
యాలకుల గింజలను చప్పరిస్తూ ఉండటం వల్ల నోట్లో కొన్ని ద్రవాలు ఉత్పత్తి అవుతాయి. ఆకలి తక్కువగా ఉన్నవారు యాలకులను చప్పరిస్తూ ఉంటే ఆకలి బాగా పెరుగుతుంది. అంతేకాకుండా నోట్లో అలర్జీలు, ఇన్ఫెక్షన్లను తగ్గించడానికి సహకరిస్తాయి. ఒక గ్లాసు వేడిపాలలో చిటికెడు పసుపు, యాలకుల పొడి కలిపి రోజూ రాత్రిపూట పడుకునే ముందు తాగితే తర్వాతి రోజు నీరసం ఉండదు.
