ప్రతి ఒక్కరూ తమ చర్మం మెరుస్తూ, ఆరోగ్యంగా.. ఎలాంటి మచ్చలు లేకుండా ఉండాలని కోరుకుంటారు. మిల మిల మెరుస్తూ ఉండాలని మార్కెట్లో దొరికిన కెమికల్ ప్రొడెక్టులను కొని వాడుతుంటారు. కానీ వారిలో ఎలాంటి మార్పు రాదు. దీంతో చాలా నిరాశ చెందుతారు. అయితే చర్మ సంరక్షణ కోసం కెమికల్ ప్రొడెక్ట్స్ కాకుండా నేచురల్ గానే మెరిసే స్కిన్ పొందొచ్చని నిపుణులు చెబుతున్నారు. అవే మంచివి అని అంటున్నారు. సహజంగా ఫెయిర్, గ్లోయింగ్ స్కిన్ కావాలనుకుంటే, ఖచ్చితంగా కొన్ని హోం రెమెడీస్‌ని పాటిస్తే సరిపోతుంది.
ఓట్ మీల్ స్క్రబ్ ,పెరుగు-పసుపు ఫేస్ ప్యాక్
ఓట్ మీల్ ఒక అద్భుతమైన సహజ ఎక్స్‌ఫోలియేటర్. ఇది చర్మం నుండి మృతకణాలను తొలగిస్తుంది. దీని కారణంగా స్కిన్ శుభ్రంగా, మెరుస్తూ ఉంటుంది. ఇందుకోసం రెండు చెంచాల ఓట్‌మీల్‌ను నీళ్లలో లేదా పెరుగులో కలిపి పేస్ట్‌లా చేయాలి. దీన్ని ముఖంపై సున్నితంగా స్క్రబ్ చేసి తర్వాత కడిగేయాలి.
దీని తరువాత, రెండు చెంచాల పెరుగులో చిటికెడు పసుపు కలిపి ఫేస్ ప్యాక్ సిద్ధం చేయాలి. దాన్ని ముఖానికి పట్టించి 30 నిమిషాల పాటు అలాగే ఉంచి తర్వాత నీటితో శుభ్రం చేసుకోవాలి. ఈ ఫేస్ ప్యాక్ చర్మానికి సహజమైన మెరుపును ఇస్తుంది. అలాగే మచ్చలను తొలగిస్తుంది.
బొప్పాయి-మిల్క్ మాస్క్
పండిన బొప్పాయి మృత చర్మాన్ని తొలగించే సహజ ఎంజైమ్‌లను కలిగి ఉంటుంది. దీని కారణంగా ఇది చర్మం మెరిసేలా సహాయపడుతుంది. దీని కోసం పండిన బొప్పాయిని మెత్తగా చేసి ముఖానికి అప్లై చేసి 15-20 నిమిషాల తర్వాత కడిగేయాలి.
అలాగే బాదంపప్పును రాత్రంతా పాలలో నానబెట్టి మరుసటి రోజు ఉదయం పేస్ట్‌లా చేయాలి. ఈ పేస్ట్‌తో ముఖాన్ని సున్నితంగా స్క్రబ్ చేసి, ఆపై చల్లటి నీటితో కడగాలి. దీంతో చర్మం మృదువుగా, మెరుస్తూ ఉంటుంది.
గ్రీన్ టీ, బనానా మిస్ట్ మాస్క్
గ్రీన్ టీలో ఉండే యాంటీ ఆక్సిడెంట్లు చర్మాన్ని డిటాక్సిఫై చేసి తాజాగా ఉంచుతాయి. దీనికోసం అరటిపండును మెత్తగా చేసి దానికి గ్రీన్ టీ కలిపి ముఖానికి రాసుకోవాలి. 20 నిమిషాల తర్వాత కడగాలి. ఈ ముసుగు చర్మాన్ని లోతుగా శుభ్రపరుస్తుంది. తద్వారా చర్మం మృదువుగా, ఆరోగ్యంగా కనిపిస్తుంది.
అలోవెరా-అవోకాడో జెల్ ఫేస్ మాస్క్
అలోవెరా జెల్ చర్మాన్ని హైడ్రేట్ చేయడానికి, దాని ఆకృతిని మెరుగుపరచడంలో సహాయపడుతుంది. సగం అవకాడోను మెత్తగా చేసి అందులో ఒక టీస్పూన్ తేనె కలపండి. ఈ మిశ్రమాన్ని ముఖానికి పట్టించి 20 నిమిషాల తర్వాత కడిగేయాలి. ఈ ఫేస్ మాస్క్ చర్మాన్ని అందంగా, మృదువుగా.. మెరుస్తూ ఉండేలా చేస్తుంది.
