సాధారణంగా ఉదయం లేవగానే కాఫీ లేదా టీ తాగడం చాలామందికి అలవాటు. ఇది తాగడం వల్ల రోజంతా యాక్టివ్ గా ఉంటారని ఆరోగ్య నిపుణులు చెబుతున్నారు. అంతేకాకుండా చిరాకు, తలనొప్పి లేకుండా ఆరోగ్యంగా ఉంటారని వీటిని సూచిస్తున్నారు. అయితే ఉదయాన్నే నార్మల్ కాఫీ కంటే బ్లాక్ కాఫీ తాగడం చాలా ఉత్తమమైనదని చెబుతున్నారు. దీనివల్ల ఎన్నో ఆరోగ్య ప్రయోజనాలు ఉన్నాయని అంటున్నారు. అవి ఏంటో తెలుసుకుందాం.
ఎనర్జీ డ్రింక్
బ్లాక్ కాఫీ వర్క్ అవుట్ చేసినవారికి బాగా ఉపయోగపడుతుంది. అదనపు స్క్వా ట్ల ద్వారా శక్తినివ్వడానికి లేదా మరింత ఎక్కువ దూరం పరిగెట్టడానికి సహాయపడుతుంది. ఇందులో ఉండే కెఫెన్ అడ్రినలిన్ స్థాయిలను పెంచుతుంది. అదే సమయంలో శారీరక పని తీరుని మెరుగుపరుస్తుంది. జిమ్ కి వెళ్లే ముందు ఒక కప్పు బ్లాక్ కాఫీ తాగడం వల్ల ఎనర్జీ లెవెల్ మెరుగుపడుతుంది.
జీర్ణ క్రియ ఆరోగ్యం
ఉదయాన్నే బ్లాక్ కాఫీ తాగడం వల్ల జీర్ణ క్రియ ఆరోగ్యంగా ఉంటుంది. ఇది ఆహారాన్ని విచ్ఛిన్నం చేయడంలో ఉపయోగపడుతుంది. అదే సమయంలో పోషకాలను గ్రహించడంలో సహాయపడుతుంది. కాఫీ లోని కెఫిన్ పేగు కదలికలను ప్రోత్సహిస్తుంది.
బరువు తగ్గుతారు
బరువు తగ్గాలనుకునే వారికి బ్లాక్ కాఫీ ఉత్తమమైన మార్గం. ఇందులో క్యాలరీలు తక్కువగా ఉంటాయి. ఇందులో ఉండే కెఫెన్ కొవ్వును కరిగించడానికి సహాయపడుతుంది. ఇది బరువు తగ్గడానికి ఉపయోగపడుతుంది.
లివర్ హెల్త్
బ్లాక్ కాఫీ తాగడం వల్ల లివర్ హెల్దీగా ఉంటుంది. ఇది సిర్రోసిస్, ఫ్యాటీ లివర్ వంటి కాలేయ వ్యాధుల నుండి రక్షించడంలో సహాయపడుతుంది.
