వేసవికాలం మొదలైపోయింది. ఈ సీజన్లో మామిడి పండ్లు విపరీతంగా దొరుకుతాయి. నోరూరించే మామిడి పండ్లు ఆరోగ్యాన్ని కూడా హెల్తీగా ఉంచుతాయి. వీటిని తినడం వల్ల ఎన్నో ఆరోగ్య ప్రయోజనాలు ఉన్నాయి. అదొక్కటే కాదు మామిడి ఆకులతో కూడా ఎన్నో హెల్త్ బెనిఫిట్స్ పొందవచ్చు. మామిడి ఆకుల్లో విటమిన్ ఏ, విటమిన్ సి, విటమిన్ బి వంటి పోషకాలు పుష్కలంగా ఉంటాయి.
ఇందులో ఉండే యాంటీ ఆక్సిడెంట్లు, అనేక ఔషధ గుణాలు ఆరోగ్య సమస్యలను తొలగించడంలో ఎంతగానో సహాయపడతాయి. మామిడి ఆకులను చేసుకోవడం ద్వారా బరువు తగ్గే అవకాశం ఉంటుంది. ఇప్పుడు వాటి గురించి తెలుసుకుందాం.
మామిడి ఆకుల ప్రయోజనాలు
మామిడి ఆకుల్లో యాంటీ డయాబెటిక్ గుణాలు ఉంటాయి. ఇవి బ్లడ్ షుగర్ లెవెల్స్ ను కంట్రోల్ చేస్తాయి. దీనికోసం ముందుగా మామిడి ఆకులను మరిగించి దాని నీటిని తాగాలి. లేదా మామిడి ఆకులు పొడిని తయారు చేసుకుని వాటిని రోజూ నీటిలో కలిపి తాగవచ్చు.
బరువు తగ్గడం
మామిడాకుల టీ ని ప్రతిరోజు తాగడం వల్ల వెయిట్ లాస్ అయ్యే అవకాశం ఉంటుంది. ఈ ఆకులు జీర్ణక్రియను మెరుగు పరుస్తాయి. అదే సమయంలో ఇది బరువు తగ్గడానికి సహాయపడుతుంది.
మలబద్ధకం కంట్రోల్
మామిడాకుల కాషాయం తాగితే.. జీర్ణ వ్యవస్థ మెరుగుపడుతుంది. దీని కారణంగా మలబద్ధకం, అజీర్ణం వంటి సమస్యలు కంట్రోల్ అవుతాయి.
ఫేస్ గ్లో
మామిడి ఆకులను పేస్ట్ గా చేసి ముఖానికి రాయడం వల్ల మొటిమలు, నల్లటి మచ్చలు తగ్గుతాయి. ఇందులో ఉండే యాంటీ ఆక్సిడెంట్లు చర్మాన్ని ఆరోగ్యపరుస్తాయి.
